有個朋友叫A先生同佢條女B小姐拍拖拍左六年，大家都就快三十出頭，都係時侯計劃結婚。但我朋友對依段感情無咩信心，亦都無咩安全感，一來佢女朋友真係幾靚，又聰明，轉數又好快，每次我朋友同佢條女傾計都要諗過度過，好驚係條女面前失去男人應有嘅霸氣。雖則佢女朋友條件咁好，但我朋友自身條件都唔差，起碼正正常常，穩定收入，姐係養得起屋企人又養得起自己，加上男人愈大愈有著數，依隻潛力股就好快變成一隻荀股，所以我朋友一諗到結婚，就好驚會有問題，究竟佢條女係唔係可以值得自己托付終生，一心一意愛佢呢
於是佢開始實行一個好黑暗嘅手法去試佢女朋友。首先佢藉著工作太忙開始唔理條女，感情由本來已經平淡變得更加平淡，加幾分冷淡。之後佢開一個Wechat，個名叫劉啟明，走去add自己條女，起初條女完全無視左佢，但因為我朋友每次開埸白都好有神秘感，好似有一份好了解對方嘅心一樣，加上B小姐最近處於一個寂寞嘅狀態，開始有啲心動，就回應左我朋友個Wechat。
一開頭都係無咩兩句，無咩突破性嘅發展。直至有一日，B小姐講左一句
"我男朋友最近對我好冷淡，我好唔開心。 "
A先生見到之後，開心到震，因為可以搵位入!就開始聽B小姐訴苦，傾下心事咁，關係正式開始慢慢建立。
為左令到B小姐更加信任「劉啟明」，咁A先生開始對佢展開追佢嘅攻勢，講下曖味野等等，但一講到出黎見面或者傾電話，A先生就收哂皮或者扯開話題，令到個關係變得好虛無，正正式式嘅唔知大家想點咁。
但A先生發覺，佢愈黎愈鐘意用「劉啟明」去同佢條女傾計，感覺好似返返去以前追佢嘅時侯，拍拖拍左六年，由愛情變感情，講真，咩熱戀期咩火都無哂啦。但依一次唔同，所有感覺返黎哂，特別係享受緊追女仔個種感覺，等待，刺激，心跳加速，唔知對方點諗，通通返哂黎。每次佢條女好悶Whatsapp佢，佢都懶得用自己真正身份去回應佢，即刻用「劉啟明」同佢傾計
" 做緊咩? 我估你依家一定好悶，係咪呢? "
B小姐愈黎愈覺得「劉啟明」好似神一樣，好了解自己，開始願意講自己背景同往事。A先生認為依個係大好機會證明B小姐值唔值得娶佢，因為可以知道B小姐有咩係收埋無講比A先生知。
B小姐話自己以前係個死靚妹，同人上床當食生菜，亦都比人攪大左個肚，仲落過仔。嘩屌，A先生一見到，個心離左一離，腳仔都軟埋，冷汗都標出黎，因為佢從來都唔知道B小姐咁濫同落過仔。後來A先生大受打擊，返工都無哂精神，索性請埋假。
" 做咩唔理我嘅? 無事呀嘛? " B小姐Send左個Msg比「劉啟明」。
A先生本來已經唔想理條女，但都頂硬上，死死氣咁話:「無，聽左你嘅往事，覺得好心痛，一時之間無哂心機咁姐。」
「你唔洗咁喎，都好耐啦!我無事喎!」
A先生覺得B小姐應該仲有野未講，所以就繼續問，慢慢知道B小姐一直即使有男朋友，但仍然出去搵仔解寂寞，除左肉體上出軌，心靈上都需要由其他男人治療。嘩屌，A先生突然覺得個頭好重，好多頂綠帽一下子笠哂落黎，A先生直頭覺得依條女應該人道毀滅，簡直賤到不能再賤，唔好講話結婚，直頭要分手。
A先生內心不斷掙扎，按情理應該分手，但B小姐強調所有野都係過去，咁事實又真係過左去就唔應該再提，而A先生的確好愛B小姐，唔係都唔會做咁多野去試對方，加上拍左六年，都唔想再花時間去重新經營一段感情。
儘管拍左幾多年唔係重點，因為感情往往都係由年嘅單位去建立，但係以秒嘅單位去破壞。話知你拍左十年又好，廿年又好，要散點都會散。
但最後A先生諗好左，佢決定繼續愛依個女人，仲準備好哂點樣求婚，點樣去重建返冷淡左咁耐嘅愛情。
晚上，A先生同好多好友夾埋，叫同事帶條女去一條靜靜地無咩人但又好多燈柱嘅街，每條燈柱都貼上好多問題，對話，承諾。B小姐每行一條燈柱就摘左個對話落黎，既感動又好奇，直至最後一條燈柱，貼上" 願意嫁比我嗎? "
A先生企左係到，靜靜等待答案，最後B小姐含著淚攬住A先生，答 " 我願意 "
二人纏綿左一陣，B小姐輕吻A小姐笑著說:「劉啟明，我放心嫁比你。」
嗰刻，A先生恍然大悟，原來B小姐一早知道劉啟明就係佢，當初想試B小姐，反而比B小姐試返轉頭，睇下面對咁嘅往事，A先生仲願唔願意接受佢嘅過去。結果，A先生接受了，而B小姐都肯定對方嫁得過。
A先生:「咁你對我講嘅野係咪真?」
B小姐:「你話呢? 我見你玩，我咪配合你同你玩囉! just for fun!」
說罷，嗰刻，A先生有種不能形容嘅感覺，但仍然繼續纏綿下去。
一年後，佢地始終結唔成婚，仲分左手。
你覺得當中係咩原因導致咁嘅結果呢?
Search